Afrobasket

Rwanda | Afrobasket U18: Senegal yegukanye igikombe cya Afurika

Afrobasket U18: Senegal yegukanye igikombe cya Afurika

Ikipe y’igihugu ya Senegal y’abahungu yegukanye igikombe cya Afurika cy’abaterengeje imyaka 18 nyuma yo gutsinda Cote d’Ivoire amanota 71-62 ku mukino wa nyuma wabereye  kuri Stadium Academica i Maputo muri Mozambique tariki ya 25/8/2012.

Senegalyegukanye igikombe cya mbere mu batarengeke imyaka 18 mu mateka yayo, yageze ku mukino wa nyuma isezereyeMaliku manota 63-47 (17-12 ; 15-08, 16-16, 16-11).

Cote d’Ivoireyo yageze muri ½ cy’irangiza, isezereye Misiri yaherukaga gutwara igikombe cya Afurika cyari cyabereye mu Rwanda muri 2010, iyitsinze amanota 57-42.

Mu guhatanira umwanya wa gatatu n’uwa kane Misiri yatsinzeMali78-54. Umwanya wa gatanu wegukanywe naAngolaimaze gutsindaTunisia61- 40.

Mozambiqueyegukanye umwanya wa karindwi nyuma yo gutsindaGhana48- 45, naho umwanya wa 9 wegukanwa na Maroc, uwa 10 utwarwa naGabonmu gihe umwanya wa 11 ari nawo wa nyuma wafashwe n’uRwanda.

Muri iri rushanwa, uwahawe igihembo cy’umukinnyi witwaye neza kurusha abandi (Most Valuable Player-MVP) ni umunya Misiri Saleh Ehab, naho uwatsinze amanota menshi kurusha abandi ni umunya Maroc Shifi Mourad winjije mu nkangara amanota 120.

Ikipe yaTunisianiyo yahawe igihembo cyo gukina umukini mwiza, urangwa n’ubworoherane (Fair Play).

SenegalnaCote d’Ivoirenizo zizahagararira umugabane wa Afurika mu gikombe cy’isi cy’abatarengeje imyaka 19 kizabera muri Repubulika ya Tchèque muri 2013.

 

August 28, 2012 By : Category : Afrobasket featured Tags:, , , , , , , , , , , , , ,
0 Comment

Rwanda | Basketball: Ikipe y’u Rwanda U18 yatsinzwe na Mali mu mukino wayo wa kabiri

Ikipe y’u Rwanda ya Basketball y’abatarengeje imyaka 18 yatsinzwe na Mali mu mukino wayo wa kabiri yakinnye tariki ya 18/8/2012, mu mikino y’igikombe cya Afurika cy’abatarengeje imyaka 18 ikomeje kubera i Maputo muri Mozambique.

 N’ubwo ikipe y’u Rwanda yari yatangiye yitwara neza igatsinda Mozambique iri imbere y’abafana bayo ku manota 62 kuri 34, yaje guhura n’akazi gakomeye imbere ya Mali, imwe mu makipe akomeye muri iryo rushanwa maze itsinda u Rwanda amanota 45 kuri 33.

 Tariki 19/8/2012 ikipe y’u Rwanda iraruhuka, ikazakomeza imikino yo mu itsinda ikina na Ghana tariki ya 20/8/2012.

 Ikipe y’uRwandayegukanye igikombe cy’akarere ka gatanu ari naho yakuye itike yo gukina iyo mikino nyafurika, ihaguruka muRwandayajyanye intego yo kwegukana igikombe cyangwa se nibura umwanya wa gatatu muri ayo marushanwa azasozwa tariki 25/8/2012.

Kugirango ikipe y’uRwandayiyongerere amahirwe yo gukomeza muri ¼ cy’irangiza irasabwa gutsindaGhana.

 U Rwanda ruri mu itsinda rya mbere ririmo Mozambique, Ghana Tunisia, Mali na Repubulika iharanira Demukarasi ya Congo (RDC), naho itsinda rya kabiri  rigizwe na Misiri yatwaye igikombe cya Afurika giheruka, Maroc, Cote d’ivoire, Senegal, Gabon na Angola.

   

 

 

 

 

 

August 21, 2012 By : Category : Afrobasket featured Tags:, , , , , , , , , , , , ,
0 Comment

Rwanda | Basketball: Ikipe y’u Rwanda U18 yajyanye intego yo kuvana igikombe muri Mozambique


Ikipe y’u Rwanda ya Basketball y’abatarengeje imyaka 18 yihaye intego yo kuzitwara  neza, ikegukana   igikombe, mu gikombe cya Afurika cy’abatarengeje imyaka 18 kizabera i Maputo muri Mozambique kuva tariki ya 16-25/8/2012.

Nyuma yo kwegukana igikombe cy’akarere ka gatanu ari naho u Rwanda rwaboneye itike yo kujya mu gikombe cya Afurika (AfroBasketball U18), abakinnyi n’abatoza b’ikipe y’u Rwanda bafashe icyemezo cyo gutwara n’igikombe cya Afurika nk’uko twabitangarijwe na Kapiteni w’iyo kipe Neston Manzi.

“Tumaze gutwara igikombe cy’akarere ka gatanu, twahise twumva ko bishoboka ko twanatwara igikombe cya Afurika, bituma dukora cyane, dukosora amakosa twakoraga, ubu twumva tumeze neza, ku buryo twumva n’iyo imikino yatangira ubu twakwitwara neza kandi tukazana igikombe.

Mu rwego rwo kwitegura imikino y’igikombe cya Afurika, ikipe y’u Rwanda yakinnye imikino n’amakipe akomeye muri shampiyona y’u Rwanda kandi yose ibasha kuyatsinda harimo APR FC, CSK ndetse na Espoir.

Umutoza w’iyo kipe wungirije Kalima Cyrille avuga ko kuba baratsinze APR, BBC n’andi makipe akomeye muri shampiyona y’u Rwanda kandi mu mikino bari barakinnye mbere ayo makipe yarabatsindaga, ngo ni ikimenyetso cy’uko  ikipe yazamutse cyane kandi ngo no muri Mozambique bazitwara neza.

“Gutsinda amakipe makuru nka APR cyangwa Espoir kandi zikinsiha abakinnyi bazo bakomeye bose, ni ikigaragaza ko ikipe yacu yiteguye neza, kuko tugereranyije n’ubushize twitegura imikino y’akarere ka gatanu, haragaragara itandukaniro kuko icyo gihe ayo makipe yari yadutsinze. Nta gushidikanye rero ko tuzitwara neza, kuko gukina n’amakipe nk’ayo tukayatsinda kandi ari ay’abakuru (senior), biduha icyizere ko n’igikombe dushobora kucyegukna”.

Abatoza b’ikipe y’u Rwanda bari bifuje gukina umukino wa gicuti na Gabon mbere yo kujya Maputo ariko ntibyakunda kubera amikoro makeya gusa umutoza mukuru Nenad Amanovic avuga ko ntacyo bizagabanya ku myitwarire yabo.

“Kuba twarakinnye n’amakipe akomeye kandi y’abakuru mu Rwanda tukayatsinda byabaye nko gukina na Gabon. Nta kintu na kimwe navuga ko tutahawe ahubwo icyo tuzakora ni ugutsinda buri kipe yose duhuye nayo kugeza ku mukino wa nyuma.

Ikipe y’u Rwanda U18  izaba yitabiriye imikino y’igikombe cya Afurika bwa kabiri mu mateka y’u Rwanda, yabonye itike nyuma yo kuba iya mbere mu karere ka gatanu ubwo yatsindaga Kenya ku mukino wa nyuma wabereye i Kigali tariki 22/7/2012.

Mu mikino y’igikombe cya Afurika cy’abaterengeje imyaka 18 iheruka kubera mu Rwanda muri 2010, Misiri ni yo yegukanye igikombe. Misiri, Angola na Tunuziya ni amwe mu makipe akomeye muri Afurika azaba ari muri iryo rushanwa, akaba  ahabwa n’ amahirwe yo kwegukana igikombe ..

 

 

 

 

 


 

August 16, 2012 By : Category : Afrobasket Tags:, , , , , , , , , , , , , ,
0 Comment

Basketball: Cote d’Ivoire ni yo izakira igikombe cya Afurika mu mwanya w’u Rwanda

Ishyirahamwe ry’umukino wa basketball muri Afurika ryamaze kwemeza ko Cote d’Ivoire ari yo izakira imikino y’igikombe cya Afurika mu mwaka wa 2013 nyuma y’aho u Rwanda rwari rwemeye kuzayakira rubihinduye ku munota wa nyuma kubera impamvu zo kutagira ibikorwa remezo bihagije.

 

Umunyamabanga w’Ishyirahamwe ry’umukino wa Basketball mu Rwanda Jean Lucien Mugabo, yavuze ko basabye ko babanza kwitegura aho kwakira igikombe cya Afurika cya 2013 bakazakira iyo muri 2015 bamaze kuboba ibyangombwa byose.

 

Uretse u Rwanda, na Tuniziya yari yarasabye kwakira iyo mikino ariko  akanama  ka FIBA gashinzwe kwemeza igihugu kizakira iyo mikino kemeje Cote d’Ivoire kuko ngo ari yo yujuje ibisabwa kurusha Tuniziya.

 

Dr Alphonse Bilé, Umunyamabanga mukuru wa FIBA Afrique yabwiye itangazamakuru, ko iki gihugu cya Cote d’Ivoire, uretse no kuba gifite Basketball yateye imbere, cyari kinujuje iby’ingenzi bisabwa.

 

Mu by’ingenzi bisabwa ngo igihugu cyemererwe harimo kuba gifite ibikorwa remezo bihagije byaba ibijyanye n’umukino wa basketball, amahoteli, n’ibindi byinshi bisabwa kugira ngo irushwanwa rigende neza.

 

Mu bindi bisabwa harimo kureba niba igihugu gifite ubushake n’ubushobozi bwo kubaka ibikorwaremezo by’umukino wa Basketball.

 

Ubushake bwa Politike nacyo ni kimwe mu birebwa cyane mbere yo kwemerera igihugu kwakira imikino kuko kuba ishyirahamwe ry’uwo mukino mu gihugu ribishaka ntibihagije, ngo hagomba no kubaho ubushake bwa Politike.

icya gatatu cy’ingenzi mu bisabwa ni ukuba igihugu gisaba kwakira iyo mikino gifite abakunzi benshi b’uwo mukino ku buryo hagaragara ibyishimo muri stade iyo habaye imikino ya Basketball.

 

Iyi mikino izitabirwa n’amakipe 16 y’intyoza, izatangira mu kwa karindwi irangire mu kwa munani muri 2013 i Abidjan.

 

Kugeza ubu inzu izakinirwamo iyo mikino iracyubakwa ariko nk’uko ubuyobozi bw’ishyirahamwe ry’umukino wa Basketball muri Cote d’Ivoire bwabitangarije dailytimes.com, ngo imirimo yo kuyubaka izarangira mu kwezi kwa mbere 2012.

 

December 16, 2011 By : Category : Afrobasket Tags:, , ,
0 Comment

Interclub wins African club basketball championship

Angolan side Interclub basketball club emerged champions of the 17th Fiba Afrique club championship for women after defeating First Bank of Nigeria 81-55 points at the Indoor Sports Hall of the National stadium Lagos.

The victory blighted the proud record of the Elephant Girls in a competition they won in 2003.

Vincente Asirid Tumb scored twenty two points for the victorious Interclub and her contribution was not in vain as she helped the Angolan club to win the week-long tournament.

The competition had attracted Inter Club of Angola, Kenya Port Authority, GD Maculosso club, First Bank, First Deep Water and INJS(CMR).

First Deep Water gave the host fans something to cheer about after beating Maculosso 66-57 to win bronze.


 

December 16, 2011 By : Category : Afrobasket inthespotlight Tags:, , , ,
0 Comment

Urutonde rw’abakinnyi bakomoka muri Afurika bakinye muri NBA (Igice cya kabiri)

  1. 6. Serge Ibaka

Serge Ibaka yavukiye mu gihugu cya Kongo Burazavile mu mwaka 1989. Nyuma y’umwaka wa kabiri akina muri NBA  yaramaze kugeza ku manota 9.8 ku mukino umwe. Ubu Ibaka ni umukinnyi uhagaze neza mu ikipe ya Oklohama City Thunder. Muri 2011 amaze kugeza  ku manota 12.3 ku mukino umwe.

  1. 7. Christian Eyenga

Christian Eyenga yavukiye i Kinshasa muri  Kongo mu mwaka wa 1989. Eyenga akinira ikipe Cleveland Cavaliers. Amaze kuyikinira imikino 44.

  1. 8. Luc Mbah a Moute

Luc Mbah a Moute yavukiye mu Mujyi wa Yawunde muri Kameruni mu mwaka 1986. Yaje kujya gukomereza amashuri ye muri Kaminuza ya UCLA aho yatangiye gukinira Milwaukee  Bucks. Nyuma y’umwaka wa gatatu akinira Milwaukee Bucks agejeje ku manota 6.7 ku mukino umwe.

  1. 9. Manute Bol

Manute Bol yavukiye i Grogial mu gihugu cya Sudani mu mwaka 1962. Yakinnye muri NBA imyaka 10 ariko niyabaye umukinnyi w’igitangaza muri NBA cyane cyane mu gutsinda amanota. Usibye yakoze amateka nk’umukinnyi uzi kugarura imipira yatanga amanota. Yaje kwitaba imana mu mwaka 2010 ahitanwe n’uburwayi bw’impyiko. Yamenyekanye cyane nk’umukinnyi wakunda gufasha abantu babaye.

10. Hasheem Thabeet

Ni umukinnyi ukomoka mu gihugu cya Tanzaniya akaba akinira ikipe ya Houston Rockets.  Yavutse 16 Gashyantare 1987 ni ukuvuga ko afite imyaka 24 y’amavuko.


 

 

December 16, 2011 By : Category : Afrobasket Tags:, , , ,
0 Comment

Interclub yegukanye igikombe cy’Afurika mu bagore

Ikipe ya Inter Club yo muri Angola ni yo yatwaye igikombe cy’Afurika mu bagore nyuma yo gutsinda First Bank yo muri Nigeria amanota  81 kuri 55 ku mukino wa nyuma wabereye muri Indoor Sports Hall i Lagos muri Nigeria.

First Deep Water yo muri Nigeria yegukanye umwanya wa gatatu muri ayo marushanwa nyuma yo gutsinda Maculosso amanota 66 kuru 57.

 

Iri rushwanwa ryitabiriwe n’amakipe yitwaye neza mu turere dutandukanye tw’Afurika akomokamo: Kenya Port Authority yo muri Kenya, GD Maculosso Club yo muri Angola, First Bank yo muri Nigeria, First Deep Water  nayo  yo muri  Nigeria, INJS yo muri Cameroun na Inter Club of Angola ari nayo yegukanye igikombe.

 

Gutwara igikombe kwa Interclub yabifashijwemo na Vincente Asirid Tumb watsinze muri uwo mukino amanota 22 ahesha ikipe ye igikombe yanatwaye umwaka ushize.

 

Ku nshuro ya gatatu yikurikiranya, Danielle Green wa Inter Club ni we wahawe igihembo cy’umukinnyi witwaye neza muri ayo marushanwa, naho ikipe ya Kenya Port Authority (KPA) yarangije iri ku mwanya wa kane ihabwa igihembo cyo gukina umukino mwiza  (Fair play)


December 14, 2011 By : Category : Afrobasket Tags:, , , ,
0 Comment